پانێڵێکى زانستى گرنگ لەسەر تاوانى ئەنفال و جینۆساید بەرێوەچوو...

posted Apr 11, 2019, 2:10 PM by Karwan Ahmad Abdulrahman
ئەمرۆ ٢٠١٩/٤/١١ سەنتەرى توێژینەوەى تاوانەکانى ئەنفال و جینۆسایدى زانکۆى چەرموو، بە هاوبەشى لەگەل رێکخراوى ئاڵاى سپى بۆ پێکەوە ژیانى ئاشتیانە، پانیلێکى زانستى  بەناونیشانى (تاوانى ئەنفال لە رەهەندە جیاوازەکاندا) لەسەر تاوانى ئەنفال و جینۆساید بۆ مامۆستایان و خوێندکاران و کەسوکارى ئەنفالکراوان و چالاکانى بوارى کەیسى ئەنفال و ناوەندە زانستى و فەرمانگەکان رێکخست.

سەرەتایى پانێڵەکە (د. ئومێد قادر) راگرى سەنتەرى چەرموو بۆ توێژینەوەو راهێنان و راوێژکارى، لەوتەیەکدا بەناوى زانکۆى چەرمووە، تیشکى خستە سەر گرنگى ئەنجامدانى توێژینەوە ى زانستى لەسەر تاوانى ئەنفال، بۆ ئەوەى هەولەکان کاراترو خێراتر بکرێن بەمەبەستى بەجینۆساید ناساندنى تاوانى ئەنفال لەسەر ئاستى نێودەولەتى، هەرلەوتەیەکدا داواو بانگەوازى ئاراستەى سەرجەم توێژەران کرد بێن بۆ سەنتەرى توێژنەوەى زانکۆى چەرموو هاوکارى پشتیوانیان دەبین بۆ ئەوەى توێژینەوەى زانستى لەسەر کەیسى ئەنفال بکەن.

پاشان لەلایەن (د. تەلار سالار) سەرۆکى سەنتەرى توێژینەوەى تاوانى ئەنفال و جینۆسایدى زانکۆى چەرموو سەر پەرەشتى پانێڵى زانستى کرا، کە بۆ هەریەکە لە کەسانى ئەکادیمى (د. سەروەر عبدالرحمن و د. صەباح بەرزنجى و د. ماجد ئەسعەد) رێکخرابوو، توێژەرانى پانێڵست لەسێ بوارى جیاوازدا لەسەر تاوانى ئەنفال و جینۆساید بەوردى تیشکیان خستە سەر لایەنەکانى ئەم تاوانە لە رەهەندا جیاوازەکاندا، پاشان لەکۆتایدا لەلایەن ئامادەبوان و پانێلستەکانەوە پرسیارو وەڵام بەشێوەیەکى بایەخدار دروست بوو، بۆ لێتیگەیشتنى زیاتر و دەست نیشانکردنى خالە ئەساسیەکان.

شایەنى باسە پانێڵەکە ماوەى (٣) کاتژمێرى خایاند


Comments